El Cheka zbulon si u vra pafajësisht vëllai i Isen Saliut dhe si Bujar Osmani e fshihte vrasjen !

0

El Cheka nuk ndalet, publikon bombë të re për atë se si Bujar Osmani ka tentuar që të ndikoje në një vendim gjyqësor për vrasje

Nga biseda e përgjuar, midis Ali Ahmetit dhe Sadulla Durakut, që El Cheka e publikoi në profilin e tij, mundet që të përfundohet se bashkëbiseduesit flasin për atë se si ministri Bujar Osmani te dytë ka ndërhyrë për të ndikuar në një vendim gjyqësor për vrasjen që ka ndodhur në vitin 2010.

El Cheka në profilin e tij në Facebook shkruan se Ahmeti dhe Duraku flasin për atë se si të mbulohet një vrasës që ka vrarë njeri të pafajshëm. Për fshehje, prej tyre ndihmë ka kërkuar zëvendës kryeministri aktual për integrime evropiane, Bujar Osmani.

“Kush është Bujari të kërkoje nga Ali Ahmeti dhe Sadulla Duraku fshehjen e një vrasësi, i cili, ashtu si thotë Sadullai ka vrarë njeri të pafajshëm. Pse ai prej Ali Ahmetit ka kërkuar që të ndryshohet emri i kriminelit. Duraku ka thënë se Osmani është takuar edhe me të. Pse Ali Ahmeti është aq i afërt me vrasësit dhe kriminelët që kërkuan nga ai të intervenojnë nëpër gjyqe dhe tek dëshmitarët”, shkruan El Cheka.

Vrasja ka ndodhur në vitin 2010, ndërsa biseda sipas gjitha gjasave është bërë dy-tre vite më vonë, gjatë kohës së procedurës gjyqësore. Bëhet fjalë për një diskutim midis anëtarëve të familjes së njohur Ajvazi nga Haraçina, përndryshe të afërt me BDI-në dhe familjar e të vrarit. Gjatë kohës së rrahjes, Saliu i vrarë, përndryshe vëlla i gazetarit Isen Saliu nga Likova, ka tentuar që të ndihmoje për ta qetësuar situatën, por në drejtim të tij është gjuajtur nga një pistoletë. Në rrahje është lënduar edhe një person. Njëri është i dënuar, mirëpo kanë ngel dyshimet nëse ai është vrasësi i vërtet ose kushëriri i vrasësit.

Ja një pjesë e transkriptim të bisedës:

Ali Ahmeti: Nuk e di a t`u lajmërua Bujari.

Sadulla Duraku: Po, po mu paraqit. I thash, jam takuar me të.

Ali Ahmeti: Dhe, ata duan që të kurdisin dikë që nuk është fajtor, që nuk e ka bërë ai, por dikush tjetër. Nuk e di, a ta sqaroi Bujari?

Sadulla Duraku: Po, po. Unë edhe u takova me të.

Ali Ahmeti: U takove ?

Sadulla Duraku: Unë u takova para se të vije te ti. Dhe kanë thënë se do të flasin, ata po frikësohen se atij fëmijës ( pjesë e pakuptimtë e bisedës). Tash unë nuk e di, ai djali tha se si ndodhi kjo punë. Vetëm e di se njeriun e vranë pa asnjë faj.

Ali Ahmeti: Po de.

Sadulla Duraku: Dhe, nuk e di për atë kush ishte, nuk e di mirëpo duhej që të ishte ai Murati. Kështu është së paku sipas policisë. Unë nuk kam qenë në vendin e ngjarjes. Kishte edhe dy persona me veturë. Dhe tani a zbriti ky djali ose nuk zbriti (nga vetura), unë nuk e di atë punë.

Ali Ahmeti: Aha.

Sadulla Duraku: Dhe këto më lutën që të shkoj të flas me familjen e tij…. Unë mundem që të flas me atë gazetarin, se është kështu e ashtu, ajo që e transmetuat, çka janë këto fjalë. Diçka tjetër, thash, unë nuk kam mundësi që të bëj. Edhe babain e ka të sëmurë. Gazetarit i thash se mundem që të flas, ai edhe nuk është këtu, ishte në pushime në Turqi. Dhe ashtu ngeli. Bujari më tha edhe për sekretarin e gjykatës. Sekretarit të gjykatës, i thash Bujarit, unë nuk shkoj t`i them.

Ali Ahmeti: Jo.

Sadulla Duraku: Kjo ishte biseda. Nuk mundem tani të shkoj dhe t`i them ta lirojnë, ndërsa njeriun e vranë pa asnjë faj. Tani unë nuk e di nëse është ose jo pjesëmarrës, organet e hetuesisë i ndjekin këto punë. Kjo ishte biseda.

Qeveria nuk është duke i marr seriozisht bombat e El Cheka, ku protagonistët kryesor janë funksionar të lartë të BDI-së, duke e përfshirë edhe liderin e partisë, Ali Ahmeti. Zëdhënësi i qeverisë, Muhamet Hoxha, nuk ka thënë se bisedat e publikuara kanë nxitur mosbesim midis partnerëve të koalicionit.

Prokuroria Themelore Publike në Shkup, pas marrjes së të dhënave nga Sektori për krim kibernetik dhe forenzikë digjitale në Ministrinë e punëve të brendshme, e dërguan rastin për shqyrtim në Prokurorinë në Kërçovë. Këto po e hetojnë “El Cheka” për dy vepra penale, përgjime dhe publikim të paautorizuar të bisedave telefonike. Prej atje thuan se vendi ku kryhet vepra, Cikago, SHBA, nuk është lokacioni i vetëm prej ku po publikohen materialet e përgjuara.