Skenari: BDI po përgaditet të përdhosë bustin e Skenderbeut!?

0

Burime partiake brenda BDI-së thonë se një grup simpatizuesish të partisë së tyre në Shkup, kanë filluar përgatitje që këtyre ditëve të njollosin dhe dëmtojnë bustin e Skënderbeut në Shkup.
“Skenari është i njëjtë me atë kur para zgjedhjeve lokale u ngjyros me ngjyrë të zezë figura e Nënë Terezës te Sheshi Skënderbeu. Edhe kësaj radhe mund ngjyroset me ngjyrë të zezë përmendorja e Skenderbeut, ose të thyhet pllaka, ose një pjesë e përmendores. Edhe qëllimi është i njëjtë, që faji t’i hidhet partive tjera shqiptare, për t’i akuzuar se gjoja kanë doktrina fetare dhe se janë kundër figurave kombëtare. Edhe pse jemi në BDI, nuk pranojmë të përdoren këto metoda të pista për garë politike. Prandaj ju lusim si medium të afërt me krahun ushtarak të BDI-së ta njoftoni opinionin për këtë skenar”, kanë thënë burime partiake, që dëshirojnë të mbeten anonime.

Ky “skenar”, sipas tyre, do të realizohet përmes aktivistëve të rinj, të cilët janë “të manipuluar” dhe nuk e dinë prapaskenën e vërtetë. Cak i sulmeve të tyre mund të jenë edhe figura tjera kombëtare te Sheshi Skënderbeu, që përputhen në krijimin e imazhit të lartpërmendur.
“Veç kam qenë shumë i afërt me Aliun, se do të kisha dalë publikisht me emër dhe mbiemër do ta kisha paraqitur këtë skandal. Në BDI ekziston një rrymë partiake që financohet nga qarqe radikale të kishës serbe dhe greke. Prej tyre marrin miliona për të futur përçarje mes shqiptarëve. Jemi të habitur pse Aliu i mban kaq afër këta njerëz”, thekson njëri prej tyre.

Ata kërkojnë që policia reflektojë dhe të jetë vigjilente për të penguar kësi lloj skenarësh. Lidhur me këto informacione presim reagim zyrtar edhe nga BDI./Gazeta Lajm